អាមេរិក៖ ឧត្ដមស្នងការទទួលបន្ទុកជាន់ខ្ពស់ ទទួលបន្ទុកជនភៀសខ្លួនអង្គការសហប្រជាជាតិ មានប្រសាសន៍កាលពីម្សិលមិញថា ប្រទេសលីបង់ និងហ្សកដានី បានមើលឃើញពីចំនួនកើនឡើងយ៉ាងច្រើនលើសលប់ នៃជនរងគ្រោះស៊ីរីដែលនៅតែកំពុង បន្តហូរចូល គេចចេញពីសង្គ្រាមស៊ីវិលរបស់ប្រទេសស៊ីរី។
ថ្លែងនៅកិច្ចប្រជុំមួយនៃក្រុមប្រឹក្សាសន្តិសុខ អង្គការសហប្រជាជាតិក្នុងទីក្រុងញូវយ៉ក លោក អាន់តូនីញូ ហ្គូធ័ររ៉េស មាន ប្រសាសន៍ថាជនភៀសខ្លួនស៊ីរីជិត ២លាននាក់ក្រោមវ័យ ១៨ឆ្នាំ
ប្រឈមនឹងហានីភ័យក្លាយជា «ជំនាន់បាត់បង់»។ លោកក៏បានឱ្យដឹងថាប្រទេសទួរគីបានក្លាយទៅជា "ប្រទេសទទួលជនភៀសខ្លួន-ធំជាងបំផុតគេនៅលើពិភពលោក»។ លោកបានបន្ថែមថា «ប្រសិនបើមិនដោះស្រាយវិបត្តិនេះឲ្យទាន់ពេលវេលាទេ នោះវានឹងអាចមានផលវិបាកដ៏ធំមួយសម្រាប់ ពេលអនាគត មិនត្រឹមតែប្រទេសស៊ីរីប៉ុណ្ណោះទេគឺតំបន់ទាំងមូល»។ មនុស្សជាង ៣,៨លាននាក់ត្រូវបានគេជឿថាបានរត់គេចខ្លួន ពីប្រទេសរបស់ពួកគេនៅក្នុងរយៈពេលបួនឆ្នាំមកហើយ ចាប់តាំងពីការបះបោរឡើងប្រឆាំងនឹងលោកប្រធានាធិបតី បាសារអាល់អាសាដ រហូតនាំឱ្យមានសង្គ្រាមស៊ីវិលកើតឡើងក្នុងប្រទេសនេះទល់សព្វថ្ងៃ។ ប្រទេសលីបង់បានប្រកាសពីផែនការកាលពីខែមុន ដើម្បី រឹតបន្តឹងលើជនភៀសខ្លួនស៊ីរី កំពុងព្យាយាមចូលទៅក្នុងប្រទេស នេះហើយក្រុមសិទ្ធិមនុស្សអន្តរជាតិ បានចោទប្រកាន់អាជ្ញាធរហ្ស៊កដានីកាលពីរដូវស្លឹក ឈើជ្រុះចុងក្រោយនៃការនិរទេសជនភៀសខ្លួន ដែលងាយរងគ្រោះក្នុងការត្រឡប់ទៅប្រទេសស៊ីរីវិញ៕
No comments:
Post a Comment