ឆ្នាំ២០១៥ បានលើកឡើងថា ថ្ងៃទី១៤ កុម្ភៈ ដែលមនុស្សមួយចំនួន ជាពិសេសគ្រិស្ដសាសនិកជន បានកំណត់ថា ជាទិវានៃក្ដីស្រឡាញ់ ជិតឈានចូលមកដល់ហើយ។ ជាការពិត ក្នុងលក្ខណៈធម្មជាតិរបស់មនុស្ស សេចក្ដីស្រឡាញ់គ្មានព្រំដែន។សេចក្ដីអំពាវនាវ បានបញ្ជាក់ថា វាជាការចាំបាច់ ដែលសង្គមកម្ពុជា ជាពិសេសស្រទាប់យុវជនត្រូវយល់ដឹងឲ្យពិតប្រាកដជាទីបំផុត នូវវប្បធម៌ប្រពៃណីដ៏ថ្លៃថ្នូរ ជាមរតញើសឈាម ដែលបុព្វបុរសបន្សល់ទុកឲ្យ ហើយក៏ត្រូវស្វែងយល់ឲ្យបានគ្រប់ជ្រុងជ្រោយ ពីខ្លឹមសារនិងឥទ្ធិពលនៃទំនៀមទម្លាប់ និងវប្បធម៌ពីក្រៅមួយទៀត ដើម្បីបន្ស៊ីចូលទៅក្នុងឥរិយាបថ និងបរិបទនៃសង្គមរបស់ខ្លួន សំដៅរក្សានូវអត្ថិភាពជាប្រជាជាតិថ្លៃថ្នូរមួយ ដែលមានចំណាស់រាប់ពាន់ឆ្នាំមកហើយនៅទ្វីអាស៊ីនេះ។អំពាវដដែលបានបន្ថែមថា ទិវានៃក្ដីស្រឡាញ់នៅកម្ពុជា គួរជាឱកាសនៃការចែកចាយ និងធានាថា ក្ដីស្រឡាញ់ដ៏ទូលំទូលាយមួយត្រូវតែបានធ្វើឡើង ក្នុងសន្ដានចិត្តដ៏ស្មោះសរ ចំពោះមនុស្សដែលនៅជុំវិញខ្លួន។ រូបភាពនានាដែលអាចសម្ដែងនូវសេចក្ដីស្រឡាញ់មានអាទិ៍ ជួបជុំពិភាក្សាដោយរីករាយ ការសរសេរលិខិតជូនពរ ជូនអំណោយផ្សេងៗ ជូនផ្កាឬវត្ថុបញ្ចាំចិត្តនានា ដើម្បីបញ្ជាក់ពីក្ដីស្រឡាញ់ និងការយកចិត្តទុកដាក់របស់ខ្លួនតែប៉ុណ្ណោះ ដោយមិនប្រមូលផ្ដុំតែទៅលើស្នេហាស្រីប្រុសនោះឡើយ៕H/N
No comments:
Post a Comment