ហេតុការណ៍ភ្លើងឆេះយានដ្ឋាននេះបានកើតឡើងកាលពីវេលាម៉ោង១១និង១៥ នាទីថ្ងៃទី១៨ ខែកុម្ភៈ ឆ្នាំ២០១៥ នៅសង្កាត់កំពង់ឆ្នាំង ក្រុងកំពង់ឆ្នាំង ខេត្តកំពង់ឆ្នាំង ។
លោកជា វណ្ណៈ នាយប៉ុស្តិ៍រដ្ឋបាលកំពង់ឆ្នាំង បានឲ្យដឹងថា ម្ចាស់យានដ្ឋាននេះមានឈ្មោះអេន មករា ភេទប្រុស អាយុ២៨ឆ្នាំ មានទីលំនៅក្នុងភូមិឃុំកើតហេតុខាងលើ ។ យានដ្ឋាននេះធ្វើពីដែកប្រក់ស័ង្កសី មានលក់កង់រថយន្ត និង គ្រឿងបន្លាស់ជាច្រើនទៀតរបស់រថយន្ត ។
លោកនាយប៉ុស្តិ៍បានឲ្យដឹងថា នៅមុនពេលកើតហេតុម្ចាស់យានដ្ឋាននេះបានអុជធូបសែនកុងម៉ា ចូលឆ្នាំចិន ក្រោយពីអុជធូបនិងទានរួចហើយក៏បានបិទទ្វារយានដ្ឋានចេញទៅក្រៅ បាត់ ស្រាប់តែនៅវេលាកើតហេតុ មានធំខ្លិនឆ្ងៀមនិងផ្សែងខ្មួលខ្មាញ់ចេញពីកន្លែងយានដ្ឋាននេះតែ ម្តង ។
ក្រោយពីហេតុការណ៍នេះប្រជាពលរដ្ឋដែលនៅក្បែរកន្លែងនេះបានហៅ រថយន្តពន្លត់អគ្គិភ័យរបស់ស្នងការដ្ឋាននគរបាលខេត្តសុំជួយអន្តរាគមន៍ និង បានជួយពន្លត់បានភ្លាមៗ មិនបណ្តាលឲ្យរាលដាលដល់ផ្ទះអ្នកជិតខាង ។
តាមការសន្និដ្ឋានរបស់សមត្ថកិច្ចជាដំបូងយានដ្ឋាននេះឆេះដោយសារ តែភ្លើងធូប ពេលដឆេះដួលប៉ះទៅនិងរបស់ជ័រដែលស្ថិតនៅក្បែរនោះ ហើយឆេះរាលដាលតែម្តង ។
ក្នុងការជួយពន្លត់អគ្គិភ័យនេះ រថយន្តពន្លត់អគ្គិភ័យចំនួនរថយន្តបានជួយអន្តរាគមន៌ ដោយប្រើប្រាស់ទឹកអស់ចំនួន៥រថយន្តធ្វើឲ្យភ្លើងបានរលត់ទៅវិញ ទាំងស្រុងនៅវេលាម៉ោងជិត១រសៀល ៕ ចន្ថា
No comments:
Post a Comment