-
រាជធានីភ្នំពេញ ៖ សាលាដំបូងរាជធានីភ្នំពេញ កាលពីព្រឹកថ្ងៃទី២៥
កុម្ភៈ បានសម្រេចចេញដីកាឃុំខ្លួនសមាជិកក្រុមប្រឹក្សាក្រុមហ៊ុន
ASIA ENGINEERIG CO.LTD ម្នាក់ដាក់ពន្ធនាគារព្រៃសជាបណ្តោះអាសន្ន
ក្រោមបទចោទរំលោភទំនុកចិត្ត, ប្រើប្រាស់ត្រាក្លែង
និងការប្រកួតប្រជែងមិនស្មោះត្រង់ ។ជនត្រូវចោទឈ្មោះគី គឹមសាន ភេទប្រុស អាយុ៣៧ឆ្នាំ
ស្នាក់នៅផ្ទះលេខ២២i ផ្លូវបេតុង សង្កាត់កាកាប ខណ្ឌពោធិសែនជ័យ
រាជធានីភ្នំពេញ មុខរបរសមាជិកក្រុមប្រឹក្សាភិបាល ក្រុមហ៊ុនអេ ស៊ា
អេនជី នារីង ។ទាក់ទិននឹងការឃុំខ្លួនជនសង្ស័យខាងលើនេះ
នៅសាលាដំបូងរាជធានីភ្នំពេញ ត្រូវបានគេដឹងថា កាលពីថ្ងៃទៅ២៤
កុម្ភៈ ២០១៥
សមត្ថកិច្ចការិយាល័យស្រាវជ្រាវ
បទល្មើសព្រហ្មទណ្ឌកងរាជអាវុធហត្ថលើ ផ្ទៃប្រទេសបានចាប់បញ្ជួនឈ្មោះគី គឹមសាន ជួនទៅតំណាងអយ្យការអមសាលាដំបូងដើម្បីធ្វើការសាកសួរពាក់ព័ន្ធការ ចោទប្រកាន់ពីប្រធានក្រុមហ៊ុន។ប្រភពព័ត៌មានឲ្យដឹងថា កាលពីថ្ងៃទី២៨ សីហា ២០១៤ លោកម៉ា អៀម ជាប្រធានក្រុមហ៊ុនអេ ស៊ា អេនជី នារីង ដែលជាក្រុមហ៊ុនដំឡើងម៉ាស៊ីនត្រជាក់បានដាក់ពាក្យ
បណ្តឹងលើឈ្មោះ គី គឹមសាន សមាជិកក្រុមប្រឹក្សាទទួលបន្ទុកផ្នែករដ្ឋបាល និងគណនេយ្យគ្រប់គ្រងទាំងអស់ ដែលមានភារកិច្ចកាន់បញ្ជីចំណូលចំណាយនៅក្នុងក្រុមហ៊ុន ។
នៅអំឡុងខែមិនា ២០១៤ ឈ្មោះគី គឹមសាន បានរត់ចេញពីក្រុមហ៊ុនអេ ស៊ា អេនជី នារីង ទៅបើកក្រុមហ៊ុនថ្មីមួយឈ្មោះអេស៊ា អ៊ឹម វី សើវីស ហើយធ្វើជានាយក ។ ពេលទៅបើកក្រុមហ៊ុនមួយនេះឈ្មោះគី គឹមសាន បានលួចចម្លងត្រារបស់ក្រុមហ៊ុនអេ ស៊ា អេនជី នារីង ទៅប្រើប្រាស់ ដូច្នោះហើយទើបរងនូវបណ្តឹងចោទប្រកាន់ពីសំណាក់លោកម៉ា អៀម ប្រធានក្រុមហ៊ុនអេ ស៊ា អេនជី នារីង នោះ ។នេះជាការបែកបាក់របស់ក្រុមហ៊ុនមួយនេះទេ អ្វីដែលកត់សម្គាល់នោះត្រង់ឈ្មោះគី គឹមសាន ដែលអតីតជាសមាជិកក្រុមប្រឹក្សាក្រុមហ៊ុនអេ ស៊ា អេន ជី នារីង ត្រូវបានចៅក្រមសាលាដំបូងរាជធានីភ្នំពេញសម្រេចឃុំខ្លួនដាក់ពន្ធ គារជាបណ្តោះអាសន្ន៕
ឃុំខ្លួនសមាជិកក្រុមប្រឹក្សាភិបាលក្រុមហ៊ុនអេស៊ា អេនជី នារីង ដាក់ពន្ធនាគារពីបទរំលោភទំនុកចិត្ត
ប្រភពមកពីKoh Santepheap
No comments:
Post a Comment