ប្រភពមកពីpostkhmer
ភ្នំពេញៈ ក្រសួងអប់រំ យុវជន និងកីឡា ប្រកាសផ្អាកការផ្តល់អាជ្ញាប័ណ្ណសម្រាប់ការបើកមុខជំនាញគ្រប់គ្រង គណនេយ្យ ធនាគារ និងហិរញ្ញវត្ថុនៅតាមគ្រឹះស្ថានឧត្តមសិក្សា ក្នុងបំណងជំរុញការអនុវត្តកំណែទម្រង់នៅឧត្តមសិក្សាឲ្យឆ្លើយតប នឹងតម្រូវការនៃទីផ្សារការងារនិងការវិវត្តសេដ្ឋកិច្ចជាតិ។«ក្រសួងបានកត់សម្គាល់ឃើញថា ការចុះឈ្មោះចូលរៀនរបស់និស្សិតនៅឧត្តមសិក្សាភាគច្រើនលើសលប់ តែងតែផ្តោតទៅលើវិស័យធុរកិច្ច។ ក្នុងន័យនេះដើម្បីជំរុញការអនុវត្តកំណែទម្រង់នៅឧត្តមសិក្សាឲ្យ ឆ្លើយតបនឹងតម្រូវការនៃទីផ្សារការងារ និងការវិវត្តសេដ្ឋកិច្ចជាតិនាពេលបច្ចុប្បន្ន ក្រសួងបានប្រកាសផ្អាកជាបណ្តោះអាសន្នក្នុងការផ្តល់អាជ្ញាប័ណ្ណ សម្រាប់ការបើកមុខជំនាញគ្រប់គ្រង គណនេយ្យ ធនាគារ និងហិរញ្ញវត្ថុ នៅតាមគ្រឹះស្ថានឧត្តមសិក្សា»។ នេះបើយោងតាមសេចក្តីជូនដំណឹងដែលចុះហត្ថលេខាដោយរដ្ឋមន្ត្រី ក្រសួងអប់រំ កាលពីថ្ងៃ ទី៣១ ខែធ្នូ កាលពី ឆ្នាំ២០១៤។លោក ហង់ ជួនណារ៉ុន រដ្ឋមន្ត្រីក្រសួងអប់រំ បានឲ្យដឹងពីម្សិលមិញថា៖
«បច្ចុប្បន្ន សិស្សកំពុងសិក្សានៅថ្នាក់ឧត្តមសិក្សាមានចំនួនប្រមាណ ២២ ម៉ឺននាក់។ ប្រហែលជា ៥០ ភាគរយ កំពុងសិក្សាជំនាញគ្រប់គ្រង ច្បាប់ គណនេយ្យ ជំនាញពាក់ព័ន្ធពាណិជ្ជកម្ម។ យើងចង់ផ្តល់អាទិភាពលើផ្នែកកសិកម្ម ផ្នែកបច្ចេកវិទ្យា និងផ្នែកកម្មន្តសាល និងផ្នែកមេកានិកជាដើម ច្រើនជាងមុន»។លោកបន្ថែមថា៖ «តាមពិតអ្វីដែលមានក្នុងសេចក្តីប្រកាសនេះ យើងបានអនុវត្តមួយឆ្នាំរួចមកហើយ។ គោលដៅសម្រាប់គ្រឹះស្ថានដែលមានស្រាប់ដែលគាត់ចង់ពង្រីកលើមុខវិជ្ជា ទាំងអស់នេះ។ គាត់ចង់បានឈ្មោះជាសាកលវិទ្យាល័យដូច្នេះគាត់ចេះតែពង្រីកហើយ គាត់មិនមានសមត្ថភាពគ្រប់គ្រាន់ [ដើម្បីបង្រៀនសិស្សប្រកបដោយគុណភាព]។ បើគាត់ចង់ពង្រីក គាត់អាចពង្រីកលើអ្វីដែលជាតម្រូវការទីផ្សារបច្ចុប្បន្ន។ សេចក្តីប្រកាសនេះគឺយើងចង់បង្កើតក្របខ័ណ្ឌគតិយុត្តមួយដែលឲ្យយើង គ្រប់គ្រងបាន»។តាមលោក ហង់ ជួនណារ៉ុន ក្រសួងអប់រំកំពុងបន្តផ្សព្វផ្សាយដល់សិស្សនិស្សិតឲ្យងាកមកសិក្សា មុខជំនាញបច្ចេកទេសដែលទីផ្សារបច្ចុប្បន្នកំពុងត្រូវការ។ នៅក្នុងរង្វង់ ៤ ទៅ ៥ ឆ្នាំខាងមុខនេះ កម្ពុជានឹងអាចពង្រឹងគុណភាពអប់រំរបស់ខ្លួនពាក់ព័ន្ធនឹងជំនាញ បច្ចេកទេស និងវិទ្យាសាស្ត្រពិត និងអាចបណ្តុះបណ្តាលធនធានស្របតាមតម្រូវការទីផ្សារ តាមរយៈការផ្តោតលើការបង្រៀនមុខវិជ្ជាវិទ្យាសាស្ត្រតាំងពីនៅមធ្យម សិក្សា បន្តពង្រឹងសមត្ថភាពគ្រូបង្រៀន និងកម្មវិធីសិក្សា។កង្វះធនធានមនុស្សជំនាញបន្តជាឧបសគ្គដ៏សំខាន់សម្រាប់រីកចម្រើន ក្នុងវិស័យពាណិជ្ជកម្មរបស់កម្ពុជា។ កាលពី ខែតុលា ធនាគារពិភពលោកបានចេញផ្សាយការវាយតម្លៃបរិយាកាសវិនិយោគ ឆ្នាំ២០១៤ សម្រាប់ប្រទេសកម្ពុជា ដោយបានលើកឡើងថា កង្វះកម្លាំងពលកម្មជំនាញនៅក្នុងឧស្សាហកម្មផលិតកម្មបានរារាំងដល់ សមត្ថភាពរបស់ប្រទេសកម្ពុជាក្នុងការបង្កើនសក្តានុពលផលិត និងទទួលបានចង្វាក់ផ្គត់ផ្គង់បន្ថែមតម្លៃនៅក្នុងតំបន់អាស៊ី អាគ្នេយ៍។លោក ហេង សួរ អ្នកនាំពាក្យនៅក្រសួងការងារ និងបណ្ដុះបណ្ដាលវិជ្ជាជីវៈថ្លែងថា គម្លាតរវាងការផ្គត់ផ្គង់ និងតម្រូវការនិងការងារមិនត្រូវមុខជំនាញនេះជាបញ្ហាប្រឈមនៅគ្រប់ ប្រទេសដែលជួបនឹងការផ្លាស់ប្តូរបរិបទ និងរចនាសម្ព័ន្ធសេដ្ឋកិច្ចរបស់ប្រទេស។
លោកបន្តថា ខណៈវិស័យឧស្សាហកម្មកសិកម្ម និងកាត់ដេរកំពុងរួមចំណែកដ៏ធំនៅក្នុងផលិតផលក្នុងស្រុកសរុបរបស់ ប្រទេសកម្ពុជា រដ្ឋាភិបាលក៏កំពុងគិតគូរពីការធ្វើឲ្យប្រសើរឡើងនូវមូលដ្ឋាន សេដ្ឋកិច្ចរបស់ប្រទេសជាតិ គឺការពឹងផ្អែកលើឧស្សាហកម្មមូលដ្ឋាន ឲ្យក្លាយជាឧស្សាហកម្មទំនើប ដែលត្រូវការជំនាញបច្ចេកទេស និងបច្ចេកវិទ្យាក្នុងការផលិត។
លោកថ្លែងដូច្នេះថា៖ «វាគឺជាផ្នែកមួយនៃគោលនយោបាយរបស់រដ្ឋាភិបាលក្នុងការជំរុញវិស័យ ឧស្សាហកម្ម បូករួមនឹងមហិច្ឆតារបស់កម្ពុជាក្នុងការក្លាយជាប្រទេសមានប្រាក់ មធ្យមត្រឹម ឆ្នាំ២០៣០ ដូច្នេះយើងត្រូវត្រៀមកម្លាំងពលកម្ម និងធនធានមនុស្សឲ្យស្របជាមួយទិសដៅដែលសេដ្ឋកិច្ចរបស់យើងកំពុង ឆ្ពោះទៅរក»។
ក្រសួងការងារកំពុងរៀបចំគោលនយោបាយការងារជាតិ សំដៅដោះស្រាយបញ្ហា ការងារមិនត្រូវជំនាញដែលកំពុងជាឧបសគ្គសម្រាប់វិស័យឧស្សាហកម្មដែល ពឹងលើជំនាញដូចជាមេកានិក វិស្វករអគ្គិសនី និងជានិស្សិតបញ្ចប់ការសិក្សាដែលមានសមត្ថភាព។
សេចក្ដីព្រាងគោលនយោបាយត្រូវគេរំពឹងថា នឹងត្រូវអនុម័តនៅត្រីមាស ទី១ ឆ្នាំនេះ។ នេះបើតាមការបញ្ជាក់របស់លោក ហេង សួរ។
លោក សេង ប៊ុនធឿន សាកលវិទ្យាធិការរងនៅសាកលវិទ្យាល័យជាតិគ្រប់គ្រង (NUM) ថ្លែងថានិស្សិតជាច្រើនចង់ធ្វើការងារនៅកន្លែងស្រួលៗហើយវិស័យ ឧស្សាហកម្មដែលមិនរីកចម្រើននៅក្នុងប្រទេសកម្ពុជាបានធ្វើឲ្យ និស្សិតងាកចេញពីការជ្រើសរើសការសិក្សាមុខវិជ្ជាបច្ចេកទេស។
លោកលើកឡើងថា៖ «យើងត្រូវមើលថា កម្ពុជាឈរនៅទីណា។ ប្រទេសយើងមិនមែនជាប្រទេសផលិតនោះទេ។ និស្សិតបញ្ចប់ការសិក្សាដែលមានសញ្ញាបត្រវិស្វករឬមេកានិកអាចធ្វើ ការងារត្រឹមតែការជួសជុលប៉ុណ្ណោះ»។
លោកបន្ថែមថា៖ «និស្សិតភាគច្រើននឹងចង់ធ្វើការងារនៅក្នុងការិយាល័យដែលមានម៉ាស៊ីនត្រជាក់»។
ពាក់ព័ន្ធនឹងបញ្ហានេះដែរ លោកស្រី សូ ផនណារី អនុប្រធានធនាគារអេស៊ីលីដា ដែលបច្ចុប្បន្នកំពុងផ្ដល់ការងារដល់បុគ្គលិកជាង ១១ ០០០ នាក់ដែលភាគច្រើនជានិស្សិតមានបរិញ្ញាបត្រផ្នែកធនាគារ និងហិរញ្ញវត្ថុ បានថ្លែងថា ធនាគារ អេស៊ីលីដាមិនដែលមានបញ្ហាជាមួយនឹងការជ្រើសរើសបុគ្គលិកដែលត្រូវ ការនោះទេ។
លោកស្រីនៅតែមានសុទិដ្ឋនិយមថា តម្រូវការធនធានមនុស្សក្នុងវិស័យគ្រប់គ្រងពាណិជ្ជកម្ម គណនេយ្យ ធនាគារ នេះនៅតែមាន ផ្អែកលើការរីកលូតលាស់នៃអាជីវកម្មរបស់ធនាគារនិងគ្រឹះស្ថានមីក្រូ ហិរញ្ញវត្ថុ។
លោកស្រីថ្លែងថា៖ «សាកលវិទ្យាល័យកាន់តែច្រើនបង្កើតការប្រកួតប្រជែងគ្នាខាងតម្លៃនិងគុណភាពដែលល្អសម្រាប់និស្សិត»។
កម្ពុជាបច្ចុប្បន្នមានគ្រឹះស្ថានឧត្តមសិក្សាសរុបចំនួន ១០៥ ស្ថាប័ន ក្នុងនោះ ៣៩ ជាគ្រឹះស្ថានរដ្ឋ និង ៦៦ ទៀតជាគ្រឹះស្ថានឯកជន៕
ភ្នំពេញៈ ក្រសួងអប់រំ យុវជន និងកីឡា ប្រកាសផ្អាកការផ្តល់អាជ្ញាប័ណ្ណសម្រាប់ការបើកមុខជំនាញគ្រប់គ្រង គណនេយ្យ ធនាគារ និងហិរញ្ញវត្ថុនៅតាមគ្រឹះស្ថានឧត្តមសិក្សា ក្នុងបំណងជំរុញការអនុវត្តកំណែទម្រង់នៅឧត្តមសិក្សាឲ្យឆ្លើយតប នឹងតម្រូវការនៃទីផ្សារការងារនិងការវិវត្តសេដ្ឋកិច្ចជាតិ។«ក្រសួងបានកត់សម្គាល់ឃើញថា ការចុះឈ្មោះចូលរៀនរបស់និស្សិតនៅឧត្តមសិក្សាភាគច្រើនលើសលប់ តែងតែផ្តោតទៅលើវិស័យធុរកិច្ច។ ក្នុងន័យនេះដើម្បីជំរុញការអនុវត្តកំណែទម្រង់នៅឧត្តមសិក្សាឲ្យ ឆ្លើយតបនឹងតម្រូវការនៃទីផ្សារការងារ និងការវិវត្តសេដ្ឋកិច្ចជាតិនាពេលបច្ចុប្បន្ន ក្រសួងបានប្រកាសផ្អាកជាបណ្តោះអាសន្នក្នុងការផ្តល់អាជ្ញាប័ណ្ណ សម្រាប់ការបើកមុខជំនាញគ្រប់គ្រង គណនេយ្យ ធនាគារ និងហិរញ្ញវត្ថុ នៅតាមគ្រឹះស្ថានឧត្តមសិក្សា»។ នេះបើយោងតាមសេចក្តីជូនដំណឹងដែលចុះហត្ថលេខាដោយរដ្ឋមន្ត្រី ក្រសួងអប់រំ កាលពីថ្ងៃ ទី៣១ ខែធ្នូ កាលពី ឆ្នាំ២០១៤។លោក ហង់ ជួនណារ៉ុន រដ្ឋមន្ត្រីក្រសួងអប់រំ បានឲ្យដឹងពីម្សិលមិញថា៖
«បច្ចុប្បន្ន សិស្សកំពុងសិក្សានៅថ្នាក់ឧត្តមសិក្សាមានចំនួនប្រមាណ ២២ ម៉ឺននាក់។ ប្រហែលជា ៥០ ភាគរយ កំពុងសិក្សាជំនាញគ្រប់គ្រង ច្បាប់ គណនេយ្យ ជំនាញពាក់ព័ន្ធពាណិជ្ជកម្ម។ យើងចង់ផ្តល់អាទិភាពលើផ្នែកកសិកម្ម ផ្នែកបច្ចេកវិទ្យា និងផ្នែកកម្មន្តសាល និងផ្នែកមេកានិកជាដើម ច្រើនជាងមុន»។លោកបន្ថែមថា៖ «តាមពិតអ្វីដែលមានក្នុងសេចក្តីប្រកាសនេះ យើងបានអនុវត្តមួយឆ្នាំរួចមកហើយ។ គោលដៅសម្រាប់គ្រឹះស្ថានដែលមានស្រាប់ដែលគាត់ចង់ពង្រីកលើមុខវិជ្ជា ទាំងអស់នេះ។ គាត់ចង់បានឈ្មោះជាសាកលវិទ្យាល័យដូច្នេះគាត់ចេះតែពង្រីកហើយ គាត់មិនមានសមត្ថភាពគ្រប់គ្រាន់ [ដើម្បីបង្រៀនសិស្សប្រកបដោយគុណភាព]។ បើគាត់ចង់ពង្រីក គាត់អាចពង្រីកលើអ្វីដែលជាតម្រូវការទីផ្សារបច្ចុប្បន្ន។ សេចក្តីប្រកាសនេះគឺយើងចង់បង្កើតក្របខ័ណ្ឌគតិយុត្តមួយដែលឲ្យយើង គ្រប់គ្រងបាន»។តាមលោក ហង់ ជួនណារ៉ុន ក្រសួងអប់រំកំពុងបន្តផ្សព្វផ្សាយដល់សិស្សនិស្សិតឲ្យងាកមកសិក្សា មុខជំនាញបច្ចេកទេសដែលទីផ្សារបច្ចុប្បន្នកំពុងត្រូវការ។ នៅក្នុងរង្វង់ ៤ ទៅ ៥ ឆ្នាំខាងមុខនេះ កម្ពុជានឹងអាចពង្រឹងគុណភាពអប់រំរបស់ខ្លួនពាក់ព័ន្ធនឹងជំនាញ បច្ចេកទេស និងវិទ្យាសាស្ត្រពិត និងអាចបណ្តុះបណ្តាលធនធានស្របតាមតម្រូវការទីផ្សារ តាមរយៈការផ្តោតលើការបង្រៀនមុខវិជ្ជាវិទ្យាសាស្ត្រតាំងពីនៅមធ្យម សិក្សា បន្តពង្រឹងសមត្ថភាពគ្រូបង្រៀន និងកម្មវិធីសិក្សា។កង្វះធនធានមនុស្សជំនាញបន្តជាឧបសគ្គដ៏សំខាន់សម្រាប់រីកចម្រើន ក្នុងវិស័យពាណិជ្ជកម្មរបស់កម្ពុជា។ កាលពី ខែតុលា ធនាគារពិភពលោកបានចេញផ្សាយការវាយតម្លៃបរិយាកាសវិនិយោគ ឆ្នាំ២០១៤ សម្រាប់ប្រទេសកម្ពុជា ដោយបានលើកឡើងថា កង្វះកម្លាំងពលកម្មជំនាញនៅក្នុងឧស្សាហកម្មផលិតកម្មបានរារាំងដល់ សមត្ថភាពរបស់ប្រទេសកម្ពុជាក្នុងការបង្កើនសក្តានុពលផលិត និងទទួលបានចង្វាក់ផ្គត់ផ្គង់បន្ថែមតម្លៃនៅក្នុងតំបន់អាស៊ី អាគ្នេយ៍។លោក ហេង សួរ អ្នកនាំពាក្យនៅក្រសួងការងារ និងបណ្ដុះបណ្ដាលវិជ្ជាជីវៈថ្លែងថា គម្លាតរវាងការផ្គត់ផ្គង់ និងតម្រូវការនិងការងារមិនត្រូវមុខជំនាញនេះជាបញ្ហាប្រឈមនៅគ្រប់ ប្រទេសដែលជួបនឹងការផ្លាស់ប្តូរបរិបទ និងរចនាសម្ព័ន្ធសេដ្ឋកិច្ចរបស់ប្រទេស។
លោកបន្តថា ខណៈវិស័យឧស្សាហកម្មកសិកម្ម និងកាត់ដេរកំពុងរួមចំណែកដ៏ធំនៅក្នុងផលិតផលក្នុងស្រុកសរុបរបស់ ប្រទេសកម្ពុជា រដ្ឋាភិបាលក៏កំពុងគិតគូរពីការធ្វើឲ្យប្រសើរឡើងនូវមូលដ្ឋាន សេដ្ឋកិច្ចរបស់ប្រទេសជាតិ គឺការពឹងផ្អែកលើឧស្សាហកម្មមូលដ្ឋាន ឲ្យក្លាយជាឧស្សាហកម្មទំនើប ដែលត្រូវការជំនាញបច្ចេកទេស និងបច្ចេកវិទ្យាក្នុងការផលិត។
លោកថ្លែងដូច្នេះថា៖ «វាគឺជាផ្នែកមួយនៃគោលនយោបាយរបស់រដ្ឋាភិបាលក្នុងការជំរុញវិស័យ ឧស្សាហកម្ម បូករួមនឹងមហិច្ឆតារបស់កម្ពុជាក្នុងការក្លាយជាប្រទេសមានប្រាក់ មធ្យមត្រឹម ឆ្នាំ២០៣០ ដូច្នេះយើងត្រូវត្រៀមកម្លាំងពលកម្ម និងធនធានមនុស្សឲ្យស្របជាមួយទិសដៅដែលសេដ្ឋកិច្ចរបស់យើងកំពុង ឆ្ពោះទៅរក»។
ក្រសួងការងារកំពុងរៀបចំគោលនយោបាយការងារជាតិ សំដៅដោះស្រាយបញ្ហា ការងារមិនត្រូវជំនាញដែលកំពុងជាឧបសគ្គសម្រាប់វិស័យឧស្សាហកម្មដែល ពឹងលើជំនាញដូចជាមេកានិក វិស្វករអគ្គិសនី និងជានិស្សិតបញ្ចប់ការសិក្សាដែលមានសមត្ថភាព។
សេចក្ដីព្រាងគោលនយោបាយត្រូវគេរំពឹងថា នឹងត្រូវអនុម័តនៅត្រីមាស ទី១ ឆ្នាំនេះ។ នេះបើតាមការបញ្ជាក់របស់លោក ហេង សួរ។
លោក សេង ប៊ុនធឿន សាកលវិទ្យាធិការរងនៅសាកលវិទ្យាល័យជាតិគ្រប់គ្រង (NUM) ថ្លែងថានិស្សិតជាច្រើនចង់ធ្វើការងារនៅកន្លែងស្រួលៗហើយវិស័យ ឧស្សាហកម្មដែលមិនរីកចម្រើននៅក្នុងប្រទេសកម្ពុជាបានធ្វើឲ្យ និស្សិតងាកចេញពីការជ្រើសរើសការសិក្សាមុខវិជ្ជាបច្ចេកទេស។
លោកលើកឡើងថា៖ «យើងត្រូវមើលថា កម្ពុជាឈរនៅទីណា។ ប្រទេសយើងមិនមែនជាប្រទេសផលិតនោះទេ។ និស្សិតបញ្ចប់ការសិក្សាដែលមានសញ្ញាបត្រវិស្វករឬមេកានិកអាចធ្វើ ការងារត្រឹមតែការជួសជុលប៉ុណ្ណោះ»។
លោកបន្ថែមថា៖ «និស្សិតភាគច្រើននឹងចង់ធ្វើការងារនៅក្នុងការិយាល័យដែលមានម៉ាស៊ីនត្រជាក់»។
ពាក់ព័ន្ធនឹងបញ្ហានេះដែរ លោកស្រី សូ ផនណារី អនុប្រធានធនាគារអេស៊ីលីដា ដែលបច្ចុប្បន្នកំពុងផ្ដល់ការងារដល់បុគ្គលិកជាង ១១ ០០០ នាក់ដែលភាគច្រើនជានិស្សិតមានបរិញ្ញាបត្រផ្នែកធនាគារ និងហិរញ្ញវត្ថុ បានថ្លែងថា ធនាគារ អេស៊ីលីដាមិនដែលមានបញ្ហាជាមួយនឹងការជ្រើសរើសបុគ្គលិកដែលត្រូវ ការនោះទេ។
លោកស្រីនៅតែមានសុទិដ្ឋនិយមថា តម្រូវការធនធានមនុស្សក្នុងវិស័យគ្រប់គ្រងពាណិជ្ជកម្ម គណនេយ្យ ធនាគារ នេះនៅតែមាន ផ្អែកលើការរីកលូតលាស់នៃអាជីវកម្មរបស់ធនាគារនិងគ្រឹះស្ថានមីក្រូ ហិរញ្ញវត្ថុ។
លោកស្រីថ្លែងថា៖ «សាកលវិទ្យាល័យកាន់តែច្រើនបង្កើតការប្រកួតប្រជែងគ្នាខាងតម្លៃនិងគុណភាពដែលល្អសម្រាប់និស្សិត»។
កម្ពុជាបច្ចុប្បន្នមានគ្រឹះស្ថានឧត្តមសិក្សាសរុបចំនួន ១០៥ ស្ថាប័ន ក្នុងនោះ ៣៩ ជាគ្រឹះស្ថានរដ្ឋ និង ៦៦ ទៀតជាគ្រឹះស្ថានឯកជន៕
No comments:
Post a Comment