បុរសម្នាក់បានបណ្តោយម៉ូតូយកមកចាក់សាំង ខណៈពេលដែលចាក់សាំរួចរាល់ហើយនោះ ក៏បានដេម៉ូតូតែមិនឆេះ មិនបានប៉ុន្មាននាទីផង ស្រាប់តែម៉ូតូឆាបជាអណ្តាតភ្លើងឆេះតែម្តង បង្កឲ្យមានការភ្ញាក់ផ្អើលទាំងយប់ នៅស្ថានីយ៍ប្រេងសូគីមិច ជាប់ស្តុបពេទផន តាមបណ្តោយផ្លូវ១៨២ កែងមហាវិថីម៉ៅសេទុង ក្នុងសង្កាត់ទឹកល្អក់៣ ខណ្ឌទួលគោក រាជធានីភ្នំពេញ ។
តាមការរាយការណ៍របស់ភ្ញាក់ងារកោះសន្តិភាពដែលឈរជើងនៅកន្លែងកើតហេតុបានឲ្យដឹងថាមុនពេលកើតហេតុបុរសម្នាក់បានបណ្តើរម៉ូតូម៉ាកវីវ៉ា ពណ៌ខ្មៅ ១គ្រឿងមកចាក់សាំង ស្រាប់តែចាក់រួចកំពុងតែដេ ដើម្បីបន្តដំណើរទៅមុខ ក៏បែកផ្កាភ្លើងឆាបឆេះម៉ូតូនោះតែម្តង ។
ភ្លាមៗនោះត្រូវបានអ្នកឃើញហេតុការណ៍នៅកន្លែងកើតហេតុជួយយកបំពង់អគ្គីភ័យបាញ់ពន្លត់ ទើបអគ្គីបានរលត់ទៅវិញ ធ្វើឲ្យខូចខាត់ម៉ូតូ ។ប៉ុន្តែមិនបណ្តាលឲ្យមានមនុស្សណាម្នាក់រងរបូសនោះទេ ។
ក្រោយកើតហេតុបុរសខាងលើបានបណ្តើរម៉ូតូទៅផ្ទះបាត់ទៅ ។រីឯអ្នកឃើញហេតុការណ៍បាននិយាយតៗគ្នាថាទំនងជាម៉ូតូនេះអស់សាំងខ្លាំងពេក ទើបប៉ោងសាំងមិនលោត បង្កជាអណ្តាតភ្លើងឆាបឆេះបែបនេះតែម្តងទៅ ៕
No comments:
Post a Comment