ក្រុងមីឡានៈ
ការរកបាល់ចូលទីតង់ទីពីររបស់កីឡាករ Duvan Zapata និង Marek Hamsik
បាននាំក្រុម Napoli ទៅដល់ការ ឈ្នះ 2-0 លើក្រុម Sassuolo
និងបានជួយឲ្យពួកគេឡើងទៅ នៅកៀកនឹងក្រុម Roma ដោយ តិចជាងបីពិន្ទុ
នៅក្នុងក្របខ័ណ្ឌ Serie A កាលពីថ្ងៃចន្ទ។រីឯការប្រកួតក្រោយទៀត គេឃើញពីការរស់ឡើងវិញរបស់ក្រុម Inter Milan ក្រោមការដឹកនាំរបស់លោក Roberto Mancini ខណៈពួកគេបានឈ្នះបីប្រកួតជាប់គ្នា នឹងការឈ្នះក្រុមបាតតារាង Cagliari 2-1។Napoli ដែលមានបីពិន្ទុតិចជាងក្រុម Roma ដែលលេងស្មើ៦ប្រកួតក្នុង៧ប្រកួត
ចុងក្រោយ អាចទប់ទល់បានយ៉ាងរឹងមាំ ថ្វីបើកីឡាករខ្សែបម្រើបែលហ្ស៊ិកDries Mertens ត្រូវបាន ពិន័យកាតក្រហម បន្ទាប់ពីដូរចូលលេងបានត្រឹម៦នាទីដោយសារការដណ្តើមបាល់ពីក្រោយ កីឡាករ Simone Missiroli ក្តី។សម្រាប់ក្រុម Napoli នេះគឺជា ជ័យជម្នះទី៥ ក្នុង៦ប្រកួត ហើយ ខណៈមានគម្លាត១២ពិន្ទុពីក្រុម កំពូលតារាង និងក្រុមការពារ ជើងឯក Juventus ទំនងជាពុំអាចពុះពារបាន គម្លាតជាមួយក្រុម Roma សម្រាប់កន្លែងលេខរៀងទីពីរនៅឆេមពានលីកដោយ ស្វ័យប្រវត្តិ ដែលជាបំណងរបស់ គ្រូបង្វឹក Rafael Benitez គឺពិតជាអាចឈោងយកបាន។
ពួកគេអាចឈានមួយជំហាន ដ៏សំខាន់ទៅកាន់គោលដៅនោះ នៅសប្ដាហ៍បន្ទាប់នៅពេលក្រុម Roma ដែលកំពុងឈឺទទួលជួបក្រុម Juventus នៅឯកីឡដ្ឋាន Stadio Olimpico។
បន្ទាប់ពីលេងបានមួយម៉ោង កីឡាករខ្សែប្រយុទ្ធកូឡុំប៊ី Zapata បានឆ្លងផុតអន្ទាក់អកហ្សឺ ទទួលបាល់បោះឲ្យពីកីឡាករ Hamsik ហើយថ្វីបើការស៊ុត របស់គេត្រូវបានទប់ស្កាត់ តែការស៊ុតបកមួយជើងទៀត ក៏បាន ផុតពីដៃអ្នកចាំទី Andrea Consigli ដោយជោគជ័យ។ តារាស្លូវ៉ាគី Hamsik បានបន្ថែមគ្រាប់បាល់ទីពីរឲ្យក្រុម Napoli នាំមុខ រយៈពេល៩នាទីក្រោយមក ជាមួយនឹងការទាត់បាល់បោះថយ ក្រោយពី Zapata ។ការលេងឈ្នះរបស់ក្រុម Inter នៅទឹកដីក្រុម Cagliari បានធ្វើឲ្យកីឡាករ Carlos Tevez នាំមុខជាមួយការស៊ុតបាល់ចូលទី បាន១៤គ្រាប់ ប៉ុន្តែវាស្មើចំនួនបាល់ចូលទីរបស់មិត្តរួមជាតិអាហ្សង់ទីន Mauro Icardi ដែលបានស៊ុតបាល់គ្រាប់ទីពីរចូលទីឲ្យ Inter ក្នុងការប្រកួតនេះ។ Mateo Kovacic បានជួយឲ្យInter នាំមុខតាំងពីនៅនាទី ៤៧ តែ Huan Pablo Carrizo បានវាយបកឲ្យក្រុមCagliari នៅនាទីទី៧៤៕ IN
No comments:
Post a Comment