អ្នកបើករថយន្តដែលចោទសមត្ថកិច្ចថាធ្វើទារុណកម្មប្តឹងទារសំណង៥ម៉ឺនដុល្លារ

ប្រភពមកពីwww.camnews.org

រូបភាពអ្នកបើករថយន្តដឹកស្រូវពេលសមត្ថកិច្ចចាប់ (រូបភាពពីបណ្តាញសង្គម)

អ្នកបើករថយន្តដឹកស្រូវម្នាក់ដែល ចោទថា សមត្ថកិច្ចខេត្តត្បូងឃ្មុំនិង ខេត្តព្រៃវែងតាមបាញ់ប្រហារ និងធ្វើទារុណកម្ម កាលពីយប់ថ្ងៃទី១៩ខែមីនានោះ បានសម្រេចចិត្តដាក់ពាក្យបណ្តឹងទាមទារសំណងពីសមត្ថកិច្ចទាំងនោះ៥ម៉ឺន ដុល្លារ ។
កាលពីថ្ងៃទី១៩ខែមីនាឆ្នាំ២០១៥ បណ្តាញសង្គមបានបង្ហោះរូបភាពរថយន្តដឹកស្រូវ
មួយគ្រឿងមានស្នាមបែក កញ្ចក់នៅប៉កខាងមុខជិតអ្នកបើកបរដោយគ្រាប់កាំភ្លើង ។
បណ្តាញសង្គមក៍បានបង្ហាញ រូបភាពបុរស់អាក្រាតអាវម្នាក់ ត្រូវគេចងដៃទៅក្រោយ ឲ្យដេកផ្កាប់មុខទៅលើដី បង្កឡើងដោយមនុស្សមួយក្រុម មានឯកសណ្ឋានខ្លះ ជាកងរាជអាវុធហត្ថ ព្រួតគ្នាចាប់ចង និងយកជើងជាន់ករ បុរសអាក្រាតអាវនោះជាដើម ។

លោកណែត ស៊ីដា ឲ្យVODដឹងថា អ្នកដែលសមត្ថកិច្ច ធ្វើទារុណកម្មនោះ ជារូបលោក ហើយពេលនេះ លោកបាន ពិភាក្សាជាមួយមន្ត្រីសមាគមការពារសិទ្ធិមនុស្សអាដហុកប្រចាំខេត្ត ព្រៃវែង ហើយបានសម្រេច ដាក់ប្តឹងទាមទារសំណង៥ម៉ឺនដុល្លារ ជាថ្នូរនឹងការខូចខាតស្រូវ៣៤តោន និង ធ្វើទារុណកម្មរូបលោក ។
មន្ត្រីសម្របសម្រួលរបស់សមាគមអាដហុកប្រចាំខេត្តព្រៃវែង លោកស្រី អេង គីមលី អះអាងថា លោកស្រីបានទទួលពាក្យបណ្តឹងពីបុរសអ្នកបើកឡាននេះហើយ តែមិនទាន់វាយតម្លៃពីករណីនេះនៅឡើយ ដោយអះអាងថា ចាំស៊ើបអង្កេតជាមុនសិន។ ប៉ុន្តែមន្ត្រីរូបនោះ បង្ហើបឲ្យដឹងថា ពួកគេនឹងផ្តល់មេធាវីការ ពារពលរដ្ឋរូបនោះ ។
VODមិនអាចទាក់ទងមេបញ្ជាការកងរាជអាវុធហត្ថខេត្តព្រៃវែង ដើម្បីសុំអត្ថាធិប្បាយបញ្ជាក់ពីការចោទប្រកាន់នេះបានទេ ។
ប៉ុន្តែអ្នកនាំពាក្យកងរាជអាវុធហត្ថលើផ្ទៃប្រទេស លោក ខេង ទីតូ អះអាងថា ករណីនេះមន្ត្រីជំនាញ បានបង្កើតក្រុមការងារចុះស៊ើបអង្កេតហើយ។ លោកថាបើការស៊ើបអង្កេត រកឃើញថា កម្លាំងក្រោមឱវាទណាមួយ បានប្រព្រឹត្តិដូចការចោទប្រកាន់មែននោះ ពួកគេនឹងត្រូវទទួលទោសតាមច្បាប់ ។
បើតាមអ្នកបើរថយន្តដឹកស្រូវឲ្យដឹងថា មុនកើតហេតុ មានសមត្ថកិច្ចខេត្តត្បួងឃ្មុំ និង ខេត្តព្រៃវែងប្រមាណ ១០នាក់ ស្ទាក់ឡា នគាត់ដែ លដឹកស្រូ វពីខេត្ត កំពង់ ធំ ទៅលក់នៅប្រទេសវៀតណាម។ បុរសរូបនោះឲ្យដឹងទៀតថា សមត្ថកិច្ចដែលបានស្ទាក់ឡាន របស់គាត់នោះ មិនបានដា ក់ផ្លាកសញ្ញាដើម្បីបញ្ជាក់ថា ជាកម្លាំងសមត្ថកិច្ចទេ ពេលនោះ លោកគិតថាជាក្រុម ចោរ ទើបបើ ករ ថយន្តបង្ហួសរហូតក្រោយមកក៏មានការប្រើអាវុធបាញ់ និងចាប់រូបគាត់រួមទាំងព្រូឡានម្នាក់ទៀតចងស្លាបសេក វាយដំបណ្តាលឲ្យរបួសធ្ងន់៕