លោករដ្ឋមន្ត្រី ខៀវ កាញារីទ្ធ មានប្រសាសន៍ថា យើងបានរៀបចំឲ្យមានសិក្ខាសាលានាពេលនេះ ក្នុងគោលបំណងចង់ឲ្យសិក្ខាកាមទាំងអស់យល់ដឹងពីគោលចំណងនៅពេលអនាគត នឹងត្រូវកាអ្វីខ្លះ? ខណៈដែលយើងនឹងដំណើរការប្រព័ន្ធឌីជីថលនៅពេលខាងមុននេះ។ លោករដ្ឋមន្ត្រីថា មុនដំបូងចាំបាច់បំផុតគឺ
ត្រូវតែត្រៀមធនធានមនុស្សជាការសំខាន់ណាស់ ទាំងស្ថាប័នរដ្ឋ ក៏ដូចជាឯកជន ព្រោះថាជៀសមិនរួចពីការប្រើប្រាស់ប្រព័ន្ធឌីជីថល ដោយសារប្រទេសនៅលើពិភពលោកគេប្រើអស់ហើយ បើយើងមិនប្រើគឺមិនអាចមានកិច្ចសហប្រតិបត្តិការជាមួយគេបានទេ។
លោករដ្ឋមន្ត្រីលើកឡើងថា មូលហេតុនៃការធ្វើការផ្លាស់ប្ដូរប្រព័ន្ធផ្សព្វផ្សាយបែអាណាឡូក ទៅជាឌីជីថលនោះ ដោយសារតែមានកាវិវត្ត នៃបច្ចេកវិទ្យា ម្យ៉ាងទៀតរោងចក្រជាច្រើនគេឈប់ផលិតសម្ភារៈបែបអាណាឡូកទៀតហើយ ដោយបង្វែរមកផលិតបែបឌីជីថលវិញ។ បើយើងនៅបន្តប្រើប្រព័ន្ធបច្ចេកទេសបែបអាណាឡូកបន្តទៀតយើងចំណាយ ថវិកាច្រើនលើសម្ភារៈជាងការប្រើប្រាស់បែបឌីជីថលទៅទៀត។ ការប្រើប្រាស់ប្រព័ន្ធបែបឌីជីថលនេះនៅពេលដែលយើងចង់លក់កម្មវិធី ឬចង់ផ្សាយកម្មវិធីទៅក្រៅប្រទេសមានភាពងាយស្រួល ព្រោះវាមានគុណភាព។
លោករដ្ឋមន្ត្រីបានបញ្ជាក់ទៀតថា ក្រសួងគ្រោងនឹងចំណាយថវិកាប្រមាណជា៥លានដុល្លារសហរដ្ឋអាមេរិក ដើម្បីបង្កើតបណ្ណាសារដែលមានលក្ខណៈជាប្រព័ន្ធឌីជីថល សម្រាប់រក្សាទុកឯកសាររបស់ក្រសួងព័ត៌មាន។ បណ្ណាសារសំខាន់ណាស់មិនអាចខ្វះបាន ក្នុងការថែរក្សាឯកសារទុកឲ្យបានយូរ និងងាយស្រួលទាញយកមកប្រើប្រាស់តាមតម្រូវការ ដូចនេះហើយក្រសួងព័ត៌មាន នឹងចំណាយថវិកាប្រមាណ៥លានដុល្លារអាមេរិក ដើម្បីបង្កើតបណ្ណាសារឌីជីថល នៅឆ្នាំ២០១៦ខាងមុខនេះ។
លោករដ្ឋមន្ត្រីសង្កត់ធ្ងន់ថា យើងតែងសង្កេតឃើញភាគច្រើនខ្មែរយើង មិនសូវយកចិត្តទុកដាក់លើឯកសារទេ ដាក់តាមការស្មាន ការនឹកឃើញ ប៉ុន្តែឯកសារវាជារឿងសំខាន់ណាស់ វាជាបណ្ណាល័យរស់មួយសម្រាប់ផ្សព្វផ្សាយបានជារៀងរហូត។ ក្រសួងព័ត៌មាន គឺអាស្រ័យដោយការយោគយល់ការយល់ឃើញរបស់សម្ដេចនាយករដ្ឋមន្ត្រី ហ៊ុន សែន លោកបានអនុញ្ញាតឲ្យក្រសួងព័ត៌មានរៀបចំបណ្ណាល័យឯកសារនេះ ដែលគម្រោងប្រហែល ៥លានដុល្លារ។ ក៏ប៉ុន្តែការបង្កើតបណ្ណាសារឌីជីថលមួយនេះ បានក៏ត្រូវការពេលប្រហែលជា៣ឆ្នាំទើបអាចដំណើរការបានរួចរាល់។
លោករដ្ឋមន្ត្រីបន្តទៀតថា មានស្ថានីយទូរទស្សន៍មួយចំនួន ដែលដំណើរការយូរកន្លងមករូបភាពខុសពីធម្មតានៅពេលចាក់ផ្សាយ ហើយក៏ទូរទស្សន៍ដែលទើបដំណើរមានរូបភាពច្បាស់ល្អ ។ ដូច្នេះដើម្បីឲ្យគុណភាពល្អ និងធ្វើការផ្សព្វផ្សាយទៅក្រៅប្រទេស ត្រូវធ្វើការផ្លាស់ប្តូរប្រព័ន្ធអាណាឡូក ទៅជាប្រព័ន្ធឌីជីថល។ ពេលនេះគឺជាលើកទី១ដែលយើងបានមើលទៅលើកិច្ចការទាំងអស់នៃប្រព័ន្ធ ផ្សព្វផ្សាយរហូតដល់របៀបរក្សាទុកឯកសារដែលជាចំណុចសំខាន់ក្នុង ស្ថាប័ននេះ។
គួរបញ្ជាក់ថា ការផ្សាយតាមប្រព័ន្ធឌីជីថល នឹងទទួលបានអត្ថប្រយោជន៍ច្រើនក្នុងនោះ ចំណេញប្រេកង់អាចមើលបានច្រើនប៉ុស្តិ៍ រូបភាពភ្លឺច្បាស់ ហើយនៅពេលដែលការផ្លាស់ប្ដូរប្រព័ន្ធផ្សាយពី អាណូ ឡូកទៅជាឌីជីថលរួចរាល់នោះ ក្រសួងបន្តអភិវឌ្ឍន៍បច្ចេកវិទ្យាថ្មីនៃប្រព័ន្ធឌីជីថល ដែលមានដូចជា HDTV, UHTV និង3DTV ជាដើម៕
No comments:
Post a Comment