មូលហេតុមួយចំនួនដែលបណ្ដាលឲ្យកើតជម្ងឺហឺត គឺបណ្ដាលមកពីបញ្ហាអាល់ឡែកហ្ស៊ី ភាពកខ្វក់នៃបរិស្ថាន បញ្ហាជម្ងឺឆ្លងក្នុងប្រព័ន្ធផ្លូវដង្ហើម និងការប្រើថ្នាំពេទ្យច្រើនពេក។ អាការរោគជាទូទៅមានដូចជា ក្អក ដកដង្ហើមមានឮសម្លេង ចលនាដង្ហើមខ្លីៗ និងតឹងទ្រូង។ មានថ្នាំពេទ្យជាច្រើនប្រភេទសម្រាប់ព្យាបាលជម្ងឺហឺត ប៉ុន្តែវាក៏មានវិធីព្យាបាលបែបធម្មជាតិមួយចំនួនដែលអ្នកគួរ សាកល្បងជាមួយនឹងផ្លែល្វា ៖
ផ្លែល្វាមានសារធាតុមានផលប្រយោជន៍មួយចំនួន សម្រាប់ព្យាបាលបញ្ហាផ្លូវដង្ហើម ព្រោះវាអាចជួយកាត់បន្ថយ ស្លេស្ម៍ និងសម្រួលដល់ផ្លូវដង្ហើម។ វិធីធ្វើគឺអ្នកអាចយកផ្លែល្វាស្ងួតទៅលាងទឹកឲ្យស្អាត រួចយកទៅត្រាំទឹកនៅពេលយប់ និងផឹកទឹកវានៅព្រឹកព្រលឹម (នៅពេលពោះទទេមិនទាន់ពិសារអ្វី)។ អ្នកអាចអនុវត្តដូច្នេះឲ្យបាន ២ ទៅ ៣ខែ នោះសុខភាពអ្នកនឹងបានល្អប្រសើរ៕
No comments:
Post a Comment